Hallveigartröð 10A, Reykholt Borgarfirði
19.500.000 Kr.
Parhús
2 herb.
75,6 m2
19.500.000
Stofur
1
Herbergi
2
Baðherbergi
1
Svefnherbergi
1
Byggingaár
0
Brunabótamat
0
Fasteignamat
2.140.000
Sjá allar myndir stórar Teikningar Senda á vin

Lýsing



HÁKOT fasteignasala sími: 431-4045 / 899-4045 auglýsir 

* NÝBYGGING - RÚMLEGA FOKHELT *  HVALLVEIGARTRÖÐ 10A *  Parhús á einni hæð (75.6)

Sigurður Árni Magnússon byggingameistari byggir parhús við Hallveigartröð 10 og 10 a í Reykholti.

Hallveigartröð 10 a er íbúð með 1 svefnherbergi, geymslu/herbergi, anddyri, stofu og eldhúsi, baði og þvottahús í sama rými.

Húsinu verður skilað fullbúnu að utanverðu og einangruðu að innan samkvæmt byggingarlýsingu. Eldvarnarveggur milli íbúða verður uppsettur, einangraður og klæddur, skv. byggingarlýsingu. Þak hússins er byggt upp með hefðbundnum sperrum og kraftsperrum. Húsið verður klætt með bárujárnsklæðningu og hluti með timbri. Gluggar og útihurðir verða áltrégluggar og hurðir. Allar fráveitulagnir verða lagðar, svo og neysluvatnslagnir ,,rör í rör” innsteyptum í gólfplötu ásamt gólfhitalögnum. Lóð verður frágengin, með malarfyllingu, mold og hún þökulögð, malarfylling í bílastæðum.


Hallveigartröð 10 a
Landnúmer                                         202006
Stærð lóðar                                        1084 m2
Stærð íbúðar                                      75,6 m2
Fastanúmer                                        F250-7014


Verktími:  Áætlað er að húsinu verði skilað skv. lýsingu í  mars 2020


Greiðsluskilmálar:  Verð á Hallveigartröð 10 a er kr. 19.500.000

         
10a við undirskrift      50%   
 
Við afhendingu,  fokhelt hús 50%


Byggingarlýsing:

Opinber gjöld:
Seljandi greiðir byggingarleyfis-og gatnagerðargjöld, auk tengigjald og fráveitu.
Kaupandi greiðir inntaksgjöld vegna kalts-og heits vatns og rafmagns auk skipulagsgjalds sem er 0,3% af brunabótamati.

Frágangur lóðar:
Grafið er niður á fastan jarðveg fyrir húsi og bílastæðum og hluta veranda. Malarfylling verður sett í bílastæði og undir verandir. Einnig er malarfylling ca 1,0-1,5 metrar frá sökklum allan hringinn. Lóð er grófjöfnuð og moldarfylling verður sett í rétta hæð og hún þökulögð.

Sökklar og gólfplata:
Sökklar afhendast eins og þeir koma úr mótum, án meðhöndlunar að utan. Þeir eru einangraðir að innanverðu með 100 mm plasteinangrun og 100 mm plasteinangrun undir gólfplötu. Gólfplata afhendist grófpússuð tilbúin fyrir grunn og flotmúr.

Fráveitulagnir:
Allar fráveitulagnir í jörðu umhverfis húsið og undir botnplötu eru tengdar veitukerfi Reykholtsstaðar. Gert er ráð fyrir að hægt sé að tengja affall heitum potti inn á regnvatnslögn.

Snjóbræðslulagnir:
Úr hvorri íbúð eru sett fjögur ídráttarrör, fyrir tvær slaufur af snjóbræðslulögn, sem liggja frá tengigrind og út úr húsi við bílgeymsluhurð í Hallveigartröð 10 en frá tengigrind í þvottahúsi í Hallveigartröð 10 a.

Raf- og lágspennulagnir:
Öll ídráttarrör fyrir heimtaug rafmagns, síma og ljósleiðara eru lögð af þeim stað sem rafmagnstafla verður staðsett.

Neysluvatnslagnir:
Allar neysluvatnslagnir eru undir gólfplötu, frá staðsetningu tengigrindar að hverju tæki og tengikrönum, skv. teikningum og lagnahönnun, svo kallað ,,rör í rör” kerfi. Engin búnaður, s.s. dreifikista, lokar o.s.frv., fylgir með lögnum. Ídráttarrör verður lagt að væntanlegum heitum potti.

Gólfhitalagnir:
Allar gólfhitalagnir eru lagðar í steypta gólfplötuna, ásamt lögn að væntanlegum handklæðaofni í baðherbergi. Engin búnaður, s.s. dreifikista, lokar o.s.frv., fylgir með lögnum.

Útveggir:
Útveggir er úr styrkleikaflokkaðri furu T1 45x145 mm. Vindstífing og vindþétting er gerð með krossviðarplötum. Utan á krossviðinn er settur vindpappi undir lóðréttar timburlektur sem lárétt báruálklæðning er klædd á. Einangrað húsið að innan bæði loft og veggi ásamt rakavarnalagi og með rafmagnsgrind.


Þök og loft:
Þak hússins er borið upp með hefðbundnum sperrum og kraftsperrum og er þakhalli 17 gráður. Þakið verður klætt með báruðum stálplötum. Undir þakstáli er þakpappi og borðaklæðning. Þakkantur er klæddur að framanverðu með bandsagaðri furu 19x120 mm og undir með bandsagaðri furu 21x95 mm. Þakrennur eru settar utan á þakkant. Þakrennur og niðurföll eru úr stáli. Loftunarrör 40 rmm með neti er komið fyrir í vindloku þakkants í samræmi við byggingarreglugerð. Að innan eru loft óeinangruð.

Gluggar og útihurðir:
Gluggar og útihurðir eru álklæddir trégluggar og hurðir sem keyptir eru frá IDEX gráir að lit (7016). Áfellur og vatnsbretti við glugga og útihurðir eru úr áli í sama lit og klæðning útveggja.

Bílageymsluhurð:
Bílageymsluhurð er einangruð fellihurð úr stáli, sett á stálbrautir.

Eldvarnarveggur milli íbúða:
Á milli íbúða er settur upp eldvarnarveggur, brunamótsstaða skv. reglugerð EI-190. Um er að ræða 120 mm timburgrind fyllt með þéttull, klædd með tvöföldu gipsi sitt hvoru megin, þá er sett 34x45 mm lagnargrind klædd með tvöföldu gipsi, beggja megin.

Byggingarstjóri og tryggingar:
Sigurður Árni Magnússon er byggingarstjóri á íbúðunum fram að fokheldisúttekt. Kaupendur geta við þá úttekt skipt um byggingarstjóra og aðra iðnmeistara eða samið um áframhald við viðkomandi. Á byggingartíma er Sigurður Árni Magnússon með brunatryggingu og starfsábyrgðartryggingu byggingarstjóra. Við afhendingu yfirtaka kaupendur þær tryggingar.

Það sem upp er talið hér fylgir með hvorri íbúð. Annað, sem ótalið er, þó sýnt sé á teikningum s.s.: verönd sorpgeymslur og fl. fylgir ekki.


Allar upplýsingar í söluyfirlitinu eru fengnar hjá seljendum og úr opinberum gögnum.




Senda fyrirspurn vegna

Hallveigartröð 10A

CAPTCHA code


Daníel Rúnar Elíasson
Löggiltur fasteignasali